जो आज मुझे अकेला छोड़ गए , ....
... मेरे भुआ सा को प्रणाम उनके लिए मेरी विनम्र शृद्धांजलि
म्हारा पीरा री वाट,
म्हारा भुआ सा रो गाम!
पेला भुआ सा रो गाम,
पाछे म्हारा बापू सा रो धाम ;
म्हारा पीरा री वाट , ,,,
म्हारी हर ख़ुशी में साथ ,
ग़मी माय माथे मेल्यो हाथ !
म्हे कदी देखि नी घाम,
पेला भुआ सा रो गाम ,...
पाछे म्हारा बापू सा रो धाम ;
म्हारा पीरा री वात ,
म्हारा पीरा री वाट !!
आज म्हें एकली ,
वीती नि विति या शाम !
कसी एकली या शाम ,.
काई करूँ हो राम;
पेला भुआ सा रो गाम, ,,
पाछे म्हारा बापू सा रो धाम ;
म्हारा पीरा री वात ,
म्हारा पीरा री वाट !!
म्हारी माँ ती भी वत्तो ,
म्हारा भुआ सा रो प्यार!
असि रूंखड़ा री छाय , ,,
वसा थें म्हारा माँ धाय!
रिश्तो लोई ने चाम ,..
पेला भुआ सा रो गाम ,
पाछे म्हारा बापू सा रो धाम ;
म्हारा पीरा री वात ,
म्हारा पीरा री वाट !!
उग्यो आज अंतिम दन ,
कण ने कणी से काम !
सगळा ने राम राम !
सगला से राम राम !!
पेला भुआ सा रो गाम ,
पाछे म्हारा बापू सा रो धाम ;
म्हारा पीरा री वात , ,,
म्हारा पीरा री वाट !!
थें जठे भी जा जो , ,,
म्हारा हिवड़ा ति दूर नी !
थें जठे भी रिजो;
थें दिखोगा तो कदि नी !
अबे किसो है थांको गाम ,.
काई वठे रूंखड़ा री छाँम !
पेला भुआ सा रो गाम , ,,
पाछे म्हारा बापू सा रो धाम ;
म्हारा पीरा री वात , ,,
म्हारा पीरा री वाट !!''तनु ''
No comments:
Post a Comment