shritanu

         नवसंवत्सर …………… 

           चैत में ,
           नवा वरस रा नवा दने !
           हँसता हँसता  री जो जी !!
           चैत में ,
           कदी गरमी ,
           कदी सरदी सतावे है.
           जद नवो वरस आवे हे!!
            दन री घाम,
            घणी खराब लागे,
            बदलती हवा,
            सगळा ने मांदा कर जावे हे !
           आपणों जापतो राखजो जी  !!
            चैत में
            मन खुसी रा गीत गावे हे,
            तेवार बी अणा दना में ,
            घणा आवे हे ,
            घर री बवां रे  सजी धजी!
            बेन बेट्यां रे हाथां  से ,
            मेंदी री सौन्दी खसबू आवे हे  !!
            सजता धजता रीजो जी
            चैत में ,
            माताजी सी सक्ति राखो  ने !
            माताजी ने  पूजो जी !!
            रामजी सी मरजादा राखो ने !
            रामजी ने पूजो  जी !!
            संकर जी सो तप करो  ने !
            संकर जी ने पूजो जी !!
            चैत में ,
            नवा वरस रा नवा दने!
            हँसता हँसता  री जो  जी!! ............. तनुजा  ''तनु '' 20 03 2014